Gweler isod ein digwyddiadau a gweithdai celf i blant yn ystod hanner tymor mis Hydref...
Diwrnod Hwyl Calan Gaeaf!
Hydref GwyrddNi
26.10.26
10:00-16:00
Ymunwch â ni am Ddiwrnod Hwyl Calan Gaeaf yn llawn gweithgareddau, creadigrwydd, a phethau melys i bob oed. Dewch â'r teulu cyfan am ddiwrnod bythgofiadwy wrth i ni ddathlu Calan Gaeaf gwyrdd. P'un a ydych chi'n chwilio am heriau awyr agored neu'n eisiau gadael eich creadigrwydd rhedeg yn wyllt, mae rhywbeth i bawb!
Beth sydd ar y gweill?
- Heriau Calan Gaeaf wedi'u hysbrydoli gan natur: Archwiliwch yr awyr agored, dilynwch y llwybrau, a datryswch bosau hwyliog, ar thema natur ar hyd y ffordd.
- Gorsaf gelf a chrefft: Gadewch i'ch dychymyg redeg yn wyllt! Crëwch eich addurniadau Calan Gaeaf eich hun gan ddefnyddio deunyddiau cynaliadwy a naturiol.
- Awgrymiadau Calan Gaeaf ecogyfeillgar: Darganfyddwch ffyrdd clyfar, syml o gadw'ch dathliadau gwyliau'n dda i'r blaned! O gyfnewid gwisgoedd i addurniadau dim gwastraff.
- Pethau melys: Nid oes unrhyw ddigwyddiad Calan Gaeaf yn gyflawn heb fferins! Mwynhewch ddanteithion blasus wrth i chi gwblhau'r gweithgareddau.
Cipiwch eich tocynnau RHAD AC AM DDIM heddiw ac ymunwch â ni am ddathliad Calan Gaeaf atgofus, ecogyfeillgar!
*Croeso i bob oed
*Mynediad am ddim!
Archebwch drwy ddilyn y ddolen yma.
Ysgrifennu Creadigol + Adrodd Straeon Arswyd
gyda Anni Llŷn
27.10.26
Adrodd Straeon Arswyd: 10:30-12:00 (i blant o dan 7) £4.00
Ysgrifennu Stori Arswyd: 13:00-15:00 (i blant 7+ oed) £5.00
Ymunwch â’r awdur a bardd lleol adnabyddus Anni Llŷn am weithdy rhyngweithiol a fydd yn helpu i ddod â streon arswydus, iasol neu dirgel yn fyw.
Mae Anni Llŷn yn awdur a bardd lleol adnabyddus sydd wedi neilltuo ei gyrfa i ysbrydoli meddyliau ifanc. Ac hithau’n nodedig am ei hegni heintus a’i hagwedd chwaraeus tuag at adrodd straeon, mae Anni yn gwneud ysgrifennu yn hygyrch, yn fywiog, ac—yn bwysicaf oll—yn llawn hwyl.
Mi fydd Anni yn tywys y plant drwy'r broses greadigol drwy gyfrwng y Gymraeg gan ddefnyddio cymysgedd gwych o dasgau gan gynnwys, tasgau cynhesu creadigol i danio syniadau mawr, gweithgareddau llafar yn siarad, rhannu ar lafar datblygu cymeriadaua chydweithio i weu straeon grŵp arswydus.
Yn caniatau amser i bob plentyn greu campwaith iasol eu hunain i fynd adref gydag nhw.
Yn berffaith ar gyfer magu hyder, rhyddhau'r dychymyg, a dathlu tymor y cynhaeaf gydag ychydig o gyffro mis Hydref. Mae llefydd yn gyfyngedig, felly archebwch le i adael i ddychymyg eich plentyn redeg yn wyllt!
Creaduriaid Gludwaith
gyda Jŵls Williams
28.10.26
10:30-12:00 (i blant 6-10 oed) £4.00
13:00-15:00 (i blant 11-15 oed) £5.00
Dewch i ryddhau ochr dywyll eich plentyn - yn y ffordd fwyaf creadigol bosib! Fel rhan o’n dathliadau Calan Gaeaf Gwyrdd ym Mhlas Glyn-y-Weddw, ymunwch â’r artist dawnus Jŵls Williams ar gyfer gweithdy celf cyffrous, ymarferol sy’n canolbwyntio ar ddyfeisio Creaduriaid y Nos arswydus.
O dylluanod ac ystlumod cysgodol i angenfilod rhyfeddol yn stelcian yn y coed, bydd plant yn defnyddio eu dychymyg gan ddefnyddio cyfuniad cyfoethog o beintio, argraffu, a thechnegau gludwaith. Gan weithio gyda sgrapiau papur, cerdyn, paent diwenwyn, a defnyddio offer a thechnegau argraffu, bydd artistiaid ifanc yn arbrofi gyda gwead, haenau a phatrymau i ddod â'u bwystfilod y nos yn fyw ar bapur.
Creu Gwynebau Bwystfilod o Ddeunydd Ailgylchu
gyda Luned Rhys Parri
29.10.26
10:30-12:00 (i blant 6-10 oed) £4.00
13:00-15:00 (i blant 11-15 oed) £5.00
Paratowch ar gyfer hanner tymor brawychus ym mis Hydref yn Plas Glyn y Weddw!
Fel rhan o'n dathliadau Calan Gaeaf Gwyrdd, rydym yn falch o groesawu'r artist enwog o Gymru Luned Rhys Parri ar gyfer gweithdy eco-grefft hwyliog ac ymarferol yn arbennig ar gyfer plant.
Yn adnabyddus am ei gweithiau cyfryngau cymysg 3D eiconig, chwareus sy'n dathlu diwylliant Cymru, bydd Luned yn tywys crewyr ifanc wrth iddynt drawsnewid deunyddiau cartref wedi'u hailgylchu bob dydd yn Wynebau Bwystfil ffyrnig, doniol, neu gwych!
Yn berffaith ar gyfer eco-ryfelwyr ac artistiaid ifanc, mae'r gweithdy hwn yn cyfuno dychymyg â neges amgylcheddol bwysig: nid oes rhaid i greu celf Calan Gaeaf drawiadol gostio'r Ddaear neu fod allan o blastig! Bydd plant yn dysgu technegau clyfar i dorri, adeiladu a haenu cardbord, hen ddeunydd pecynnu, a sgrap cartref i ddod â'u campweithiau brawychus unigryw yn fyw — yn barod i'w harddangos yn adra neu eu gwisgo fel rhan o wisg Calan Gaeaf.
Gweithdy Calan Gaeaf: Cerrig yn Disgleirio ac Ymgyrch UV yn y Goedwig
Yr Oriel Fyw gyda Simon Gibbs
30.10.26
17:00-18:30
Dathlwch Calan Gaeaf gyda noson o ddarganfod y goedwig, creadigrwydd a llên gwerin Cymru yn Yr Oriel Fyw, Plas Glyn-y-Weddw.
Dechreuwch drwy addurno carreg gyda dyluniad sydd wedi'i ysbrydoli gan y goedwig – efallai deilen, madarch, coeden neu anifail y goedwig – gan ddefnyddio paent fflwroleuol. Yna, ewch am dro drwy'r Winllan gyda thortshis UV i weld sut mae planhigion a ffyngau yn ymddangos mewn lliwiau annisgwyl. Gadewch i ni weld beth allwn ni ei ddarganfod!
Ymgasglwch mewn cylch i siarad am y goedwig wrth i'r gaeaf agosáu ac i glywed am Yr Hwch Ddu Gwta, yr hwch ddu ddi-gynffon o lên gwerin Cymru. Cyfnewidiwch gerrig, rhowch nhw o fewn ardal wedi'i marcio, a dychwelwch i'r cylch cyn defnyddio eich tortsh i ddod o hyd i'ch creadigaeth eich hun.
Bydd y person olaf i ddod o hyd i'w garreg yn cael cyfarfyddiad chwareus â'r hwch ddu, a bydd pawb yn cael danteithfwyd melys Cymreig ac yn mynd â'u carreg adref.
*Sesiwn ddwyieithog
*Darperir tortshis UV i'w defnyddio yn ystod y gweithgaredd
*Oedran 7+, gyda phlant yng nghwmni oedolyn
*Mynediad am ddim!
Paned i'r Blaned Calan Gaeaf
Hydref GwyrddNi
31.10.26
10:00-12:00
Dewch lawr i gymdeithasu a chael sgwrs gyda dysgwyr Cymraeg / Come along to socialise and have a chat with Welsh learners
SCROLL DOWN FOR ENGLISH
Ymunwch â ni am fore hamddenol sy’n cyfuno pryder am yr amgylchedd, dysgu Cymraeg, a rhywbeth annisgwyl i wneud a madarch! P’un a ydych chi’n siaradwr Cymraeg rhugl, yn ddechreuwr llwyr, neu’n angerddol am y blaned , bydd yna groeso cynnes i chi.
Beth i’w ddisgwyl:
- Paned i’r Blaned: Cysylltwch â’ch gilydd trwy sgyrsiau agored am weithredu dros yr amgylchedd, cynaliadwyedd, ac ecosystem leol ein hardal.
- Ymarfer eich Cymraeg: Lle cynhwysol i ymarfer a defnyddio’r Gymraeg ar unrhyw lefel, o ddysgu geirfa dymhorol i sgwrsio am yr amgylchedd.
- Te a chacen am ddim: Cynheswch gyda digonedd o de poeth a chacennau blasus ar draul y tŷ!
Dewch â’ch angerdd dros y blaned, eich chwilfrydedd am y Gymraeg, a’ch ysbryd hydrefol! Rydym yn edrych ymlaen yn fawr at rannu paned gyda chi!
*Addas ar gyfer pobl 16 oed a hŷn
*Mynediad am ddim!
Archebwch drwy ddilyn y ddolen yma.
Archebwch digwyddiad neu weithdy...
