Be sy' ymlaen

Arddangosfeydd presennol...

Rydym yn edrych ymlaen at groesawu'r artis aml gyfrwng Anna Falcini i'n sesiwn arbennig nesaf o LOBSGOWS....

13:00-15:00

‘ailddychmygu Gwen John: meinwe feddal'

Mae Anna Falcini yn trafod sut mae llythyrau, llyfrau nodiadau a darluniadau’r artist Gwen John wrth wraidd ei harddangosfa unigol ddiweddaraf, 'ailddychmygu Gwen John: meinwe feddal'. Arweiniodd comisiwn gan y British Council Wales yn 2024 i ddatblygu gwaith newydd am fywyd John ym Mharis at ddarganfod y bydoedd mewnol a oedd yn rhan o fywyd yr artist Cymreig ym Mharis, gan olrhain ei pherthnasoedd ysbrydol, personol ac an-ddynol.

Archwiliodd Falcini sut yr oedd rhyngwyneb bywyd artistig a phersonol John yn plethu â’r dwysedd emosiynol a brofwyd gan yr artist. Er ei bod yn aml yn cael ei hystyried yn bwnc problematig, mae Falcini yn datgelu dehongliadau newydd ac yn amlygu’r gwrthdaro emosiynol hwn a oedd yn bodoli ochr yn ochr â bywyd artistig John.

Yn y sgwrs, bydd yr artist yn archwilio’r hyn sy’n ysgogi safbwyntiau newydd ar yr agwedd hon o fywyd John, safbwyntiau sy’n codi trwy ddefnyddio deunyddiau bregus fel porslen a ffabrig, natur ysgafn ac addurnol rhuban gwallt coch llachar, neu’r weithred o ofalu am gorff menyw wrth frwsio gwallt – elfennau sy’n cael eu cyflwyno trwy gerflunwaith, perfformiad, gosodiad celf a darluniadau dyfrlliw.

13:30-15:30 

Ymunwch â Charlotte (Kin & Co) am weithdy gwneud torchau Nadolig hwyliog ac ymarferol lle byddwch chi'n creu torch Nadoligaidd hardd gan ddefnyddio dail ffres, blodau sych, ac elfennau addurniadol naturiol. Bydd Charlotte yn eich tywys chi gam wrth gam, gan rannu awgrymiadau a thechnegau i'ch helpu i greu dyluniad sy'n adlewyrchu eich steil eich hun. Yn addas ar gyfer dechreuwyr a chrefftwyr profiadol, byddwch chi'n gadael gyda thorch wedi'i gwneud â llaw i'w mwynhau hyd at y Flwyddyn Newydd.

Mae ein torchau wedi'u gwneud yn gyfan gwbl o ddeunyddiau naturiol—ni ddefnyddir plastig na ewyn blodau.

Mae'r gweithdy'n para tua 2 awr, ac mae'r holl ddeunyddiau wedi'u cynnwys. Mae torchau'n mesur tua 40cm mewn diamedr ac maent yn berffaith i'w harddangos ar eich drws ffrynt.

Mae'r torch a ddangosir yn enghraifft o'r arddull a'r deunyddiau sydd ar gael. Gan fod pawb yn dewis eu dail, lliwiau ac elfennau addurniadol eu hunain, bydd pob torch yn unigryw.

*Addas ar gyfer pobl 16+ oed

Archebwch ddyddiad ar gyfer ein Cinio ‘Dolig!

Dewch â’ch ffrindiau a’ch teulu ac ymunwch â ni am wledd Nadoligaidd mewn lleoliad hudolus.

📅 Rhagfyr – 1, 2, 3, 8, 9, 10, 15, 16, 17

A chofiwch, rydych chi’n cael gostyngiad o 10% yn yr oriel ac yn y siop ar y diwrnod!

*Mae angen blaendal o £10.00 y pen wrth archebu. Ni ellir ei ad-dalu.

14:00-15:30

Ymunwch a ni am brynhawn Nadoligaidd ym Mhlas Glyn-y-Weddw, yn cynnwys Band Pwllheli a charolau traddodiadol y gallwch ymuno â hwy.

Mwynhewch wydraid o win cynnes a sleisen o strudel – wedi’u cynnwys yn y pris – a manteisiwch ar ostyngiad o 10% ledled yr oriel. Byddwn hefyd yn cyhoeddi enillydd ein raffl fawr!

Dyma gyfle hyfryd i ddod at eich gilydd gyda ffrindiau, mwynhau hoff ganeuon y Nadolig, a chael blas ar gynhesrwydd y tymor ym Mhlas Glyn-y-Weddw.