Arddangosfa Haf 2027: Galwad Agored
Oherwydd poblogrwydd cynyddol ein Harddangosfa Haf flynyddol a'r nifer uchel o geisiadau a dderbyniwyd yn ystod y blynyddoedd diwethaf, rydym yn gyffrous i gyflwyno fformat newydd o 2027 ymlaen.
Mae Plas Glyn-y-Weddw yn falch iawn o lansio Arddangosfa Haf 2027, ein harddangosfa cyfryngau cymysg flynyddol sy'n dathlu creadigrwydd o bob cwr o Gymru a thu hwnt.
Bydd yr arddangosfa'n parhau i gynnig cyfle i artistiaid ym mhob cam o'u taith greadigol arddangos a gwerthu gwaith yn un o ganolfannau celfyddydau blaenllaw Cymru. Er mwyn cefnogi'r twf hwn a sicrhau arddangosfa fywiog ac o ansawdd uchel, bydd pob artist sy'n cymryd rhan bellach yn cael ei ddewis trwy broses gyflwyno agored.
Pwy All Ymgeisio?
Rydym yn croesawu ceisiadau gan artistiaid o bob cefndir a lefel o brofiad. P'un a ydych chi'n artist proffesiynol, yn ymarferydd sy'n dod i'r amlwg, yn fyfyriwr, neu'n rhywun sy'n creu yn eich amser hamdden, rydym yn eich annog i gyflwyno eich gwaith i'w ystyried.
Rhaid i ymgeiswyr fod yn 16 oed neu'n hŷn.
Y Broses Ddethol
O 2027 ymlaen, rhaid i bob artist sy'n dymuno arddangos gyflwyno eu gwaith trwy'r broses ymgeisio ar-lein.
Bydd panel dethol annibynnol yn adolygu pob cyflwyniad. Bydd gweithiau llwyddiannus yn rhan o arddangosfa "oddi ar y wal" cyfrwng cymysg, lle mae gweithiau celf ar gael i'w prynu a'u casglu ar unwaith drwy gydol cyfnod yr arddangosfa. O ganlyniad, bydd yr arddangosfa'n esblygu'n barhaus wrth i weithiau gael eu gwerthu.
Y gweithiau a gyflwynir drwy'r broses ymgeisio fydd y gweithiau a ystyrir i'w dewis ac, os cânt eu dewis, byddant yn cael eu harddangos yn Arddangosfa'r Haf 2027. Felly, dylai artistiaid sicrhau bod y delweddau a gyflwynir yn cynrychioli'n gywir y gwaith celf y maent yn bwriadu ei arddangos.
Gwobrau
Gwobr Dewis y Beirniaid: £1,500 + arddangosfa unigol
Gwobr Artist Ifanc (Dan 25): £500
Ffi Gyflwyno
£15 am hyd at 3 gwaith
Cyflwyniadau ychwanegol: £5 y gwaith
Uchafswm cyflwyniad: 6 gwaith
Dyddiadau Pwysig
Cyflwyniadau ar Agor: 1 Medi 2026
Dyddiad Cau: 1 Mawrth 2027
Arddangosfa: 25 Gorffennaf - 3 Hydref 2027
APPLICATIONS OPEN 01.09.26
Nodwch y dyddiad yn eich dyddiadur a chadwch lygad ar ein sianeli cyfryngau cymdeithasol, @plasglynyweddw, am gyhoeddiadau ynghylch ceisiadau, diweddariadau ac atgoffiadau.
Rhaid cyflwyno ceisiadau drwy ein ffurflen ar-lein, a fydd yn mynd yn fyw ar y 1af o Fedi am 18:00.
Rydym yn gwahodd artistiaid o bob cefndir a lefel o brofiad.