Bydd arddangosfeydd y Gwanwyn gan Howard Coles, Lisa Eurgain Taylor, Caroline Atkinson a Paul Emmanuel i'w gweld ar-lein nes bydd caniatad i'r Oriel agor ei drysau i'r cyhoedd.
Cawn olwg newydd ar olygfeydd cyfarwydd trwy waith Howard Coles yn ei arddangosfa sy’n dwyn y teitl ‘Un Funud Fach’.
‘Cymylau Hedd’ yw teitl arddangosfa drawiadol Lisa Eurgain Taylor o dirluniau pur a hudolus sydd wedi eu hysbrydoli gan fynyddoedd Eryri.
‘O Fynydd i Fôr’ yw arddangosfa unigol gyntaf Caroline Atkinson yn y Plas, ac mae'n dilyn cwrs dwy afon trwy ddyffrynnoedd Glaslyn ac Ogwen.
Archwiliadau gyda chnu a phigment yw ffocws arddangosfa Paul Emmanuel, ‘Capel o Wastadrwydd Blewog’.
Mae hefyd ystod hyfryd o weithiau celf a llawer o eitemau o'r siop ar gael ar-lein:
https://oriel-plas-glyn-y-wedd...
ac mae staff yr oriel ar gael os bydd unrhyw ymholiadau – enquiry@oriel.org.uk
Diolch yn fawr am eich cefnogaeth drwy’r amseroedd anodd yma ac edrychwn ymlaen yn arw i’ch croesawu’n ôl i’r Plas cyn hir.
Cadwch yn ddiogel.
