Gweithdy
'Meddyginiaeth Ein Hen Neiniau '
12 Awst | 10:30-11:30
Ychydig o genedlaethau yn ôl, roedd defnyddio planhigion a choed fel meddyginiaeth yn gyffredin ymysg pobl gyffredin. Roedd pawb yn manteisio ar y perlysiau syml o'u cwmpas i gefnogi eu hiechyd. Ond sut oedd pobl yn dysgu’r wybodaeth hon os nad oedden nhw’n gallu darllen nac ysgrifennu, neu os nad oedd ganddynt fynediad at lyfrau? Bydd y gweithdy hwn gyda’r storïwraig Claire Mace yn ceisio ateb y cwestiwn yma trwy gymysgedd o straeon, llên gwerin planhigion ac ymarferion trwy synhwyrau.
Addas ar gyfer oedolion a phobl ifanc 7+
Sioe
'Perlysiau Sanctaidd Prydain'
12 Awst | 13:30-14:30
Ymunwch â Claire Mace am ailadroddiad dwyieithog o stori Olwen, merch y cawr yr oedd ei gwallt yn felynach na'r banadl a’i bochau’n gochach na blodau bysedd y cŵn.
Ble bynnag mae’n cerdded mae’n gadael meillion gwyn o’i hôl. Hi yw arwres “Culhwch ac Olwen” stori o lawysgrifau canoloesol, Y Mabinogion.
Dyma diriogaeth Olwen, a ysbrydolwyd gan lên gwerin o bob cwr o Gymru. Plethir mytholeg, hud a lledrith, llên lysieuol, chwedlau gwerin, storïau’r coed a phlanhigion ynghyd i ddarlunio'i thirwedd.
Cafodd y perfformiad chwedleua traddodiadol hwn o’r stori ei ddatblygu diolch i Wobr Esyllt gan Chwedl, rhwydwaith o chwedlwragedd yng Nghymru.
Cliciwch i archebu gweithdy a/neu sioe
