Mae’r cerddorion Cymreig Richard Ormrod a Mary Hofman yn ymuno â’r feiolawraig wych Emma Sheppard (prif fiolawraig gyda’r 'English National Ballet') a Rebecca Knight ar y sielo (prif sielydd gwadd gyda Cherddorfa Symffoni Dinas Birmingham, a phrif sielydd gyda City of London Sinfonia).
Byddant yn perfformio pedwarawd piano hynod ac egnïol y cyfansoddwr Tsiec, Martinů; mae ei dri symudiad yn amrywio rhwng emosiwn dwys, telynegiaeth a ffantasi chwareus wedi’i hysbrydoli gan gerddoriaeth werin.
Dilynir hyn gan un o gampweithiau Brahms: y pedwarawd piano yn C leiaf, a elwir yn aml yn Bedwarawd Werther oherwydd ei gyfeiriadau at nofel Goethe, 'The Sorrows of Young Werther'. Mae’n waith llawn dwyster angerddol a harddwch telynegol.
£12.00 (Mynediad Cyffredinol) / £10.00 (Aelodau)
