16.05.26 - 12.07.26
Agoriad Arddangosfa
Ymunwch â ni ar gyfer agoriad swyddogol arddangosfa Coed Coexist ar 16 Mai am 11:00yb.
Dewch i ddathlu'r lansiad gyda rhaglen helaeth o weithdai creadigol, arddangosiadau a digwyddiadau cyfranogol AM DDIM a chynhwysol a gynhelir drwy gydol y dydd. Cefnogir y rhaglen hon yn hael gan gyllid gan Sefydliad Denise Coates.
Darllenwch fwy am yr arddangosfa a'r prosiect ehangach isod, a gwnewch yn siŵr eich bod yn archebu eich lle yn un o'r digwyddiadau.
*Sgroliwch i lawr am fwy o fanylion a gwybodaeth archebu.
Gwreiddiedig mewn Natur, Cysylltwyd drwy Greadigrwydd
Dechreuodd Coed Coexist gyda gweithred o natur...
Ym mis Ionawr 2024, disgynnodd ffawydden fawr mewn storm ar dir Plas Glyn-y-Weddw. Roedd y goeden wedi sefyll am oddeutu 150–200 o flynyddoedd, ac wedi’i siapio gan wyntoedd a thywydd arfordirol Penrhyn Llŷn.
Roedd y saer coed lleol, John Egan, a’r artist metel, Junko Mori, yn gweld y goeden a ddisgynnodd nid yn unig fel pren, ond fel deunydd â stori i’w hadrodd. O’r foment honno, gyda chydweithrediad Plas Glyn-y-Weddw, daeth y syniad am Coed Coexist i’r amlwg – prosiect sy’n tynnu sylw at ecosystemau coetir, wrth gysylltu cymuned, creadigrwydd a gofal am yr amgylchedd.
Daeth y ffawydden yn ganolbwynt i’r prosiect. Torrwyd y boncyff yn estyll, a chadwyd canghennau a hyd yn oed y darnau lleiaf a’r llwch llif, gyda pheth o’r deunydd yn cael ei droi’n siarcol. Y nod oedd anrhydeddu bywyd y goeden drwy ddefnyddio cymaint ohoni â phosibl.
Ym mis Medi 2024, daeth symposiwm ag artistiaid, rheolwyr tir, arbenigwyr amgylcheddol a’r gymuned leol ynghyd i archwilio ecoleg coetiroedd, traddodiadau crefft a deunyddiau cynaliadwy.
Yn dilyn hyn, derbyniodd mwy na saith deg o artistiaid a gwneuthurwyr o Benrhyn Llŷn, ledled Cymru a thu hwnt, ddarnau o’r ffawydd o weithdy John a Junko. Gan fod yr holl ddarnau wedi dod o’r un goeden, dechreuodd pob un ar daith greadigol wahanol. Mae’r gweithiau a ddeilliodd o hyn – gan gynnwys dodrefn, cerflunwaith, llestri, darluniau, cerddoriaeth ac ysgrifen – yn adlewyrchu ymateb unigol y gwneuthurwr, tra’n rhannu tarddiad cyffredin.
Diolch i gyllid o gronfa Celfyddydau Rhyngwladol Cymru, meithrinodd y prosiect gyfnewidiadau diwylliannol rhwng Cymru a Siapan. Teithiodd ffawydd Cymreig i ogledd Siapan, lle bu aelodau o’r gymuned frodorol Ainu yn cerfio gwrthrychau traddodiadol o’r pren, gan amlygu perthnasoedd cyffredin â choedwigoedd a deunyddiau. Arweiniodd partneriaethau â Chymdeithas Diwylliant Pren Mynydd Fuji at breswyliadau artistiaid yn y ddwy wlad, gan gefnogi rhannu sgiliau a dyfnhau cysylltiadau rhwng traddodiadau crefft a pharch at natur. Rhannodd Ymddiriedolaeth Coetir Afan yn Nagano hefyd ffilm animeiddio etifeddiaeth yr awdur Cymreig-Siapaneaidd C.W. Nicol, wedi’i chyfieithu yma i’r Gymraeg gan ddisgyblion o Ben Llŷn.
Ochr yn ochr â’r gyfnewidfa ryngwladol hon, cefnogodd Coed Coexist artistiaid ledled Cymru drwy fentrau megis Gwobr Gwneuthurwr Ifanc a phum comisiwn creadigol.
Mae Coed Coexist yn dangos sut y gall un goeden, sydd wedi’i gwreiddio yn nhirwedd Penrhyn Llŷn, barhau i dyfu drwy ddychymyg a chreadigrwydd ar y cyd.
Dywedodd y cerflunydd David Nash,
“Mae coed yn cymryd dim ond digon, ac yn rhoi mwy yn ôl...”
Dyma sydd wedi dod yn ymgorfforiad o Coed Coexist.
Artistiaid sy’n Arddangos:
Alex Boyd Jones · Alison Neighbour · Angela Davies · Angharad Ffion · Ann Catrin Evans · Anna Falcini · Ant Lane · Audrey Hayes · Barnaby Prendergast · Barry Williams · Berno Brosschot · Billy Mason-Watts · Carrie Dickens · Catrin Williams · Clare Wright · Dan Bristow · David White · Deanne Doddington Mizen · Deio · Dylan Glyn · Eirian Jones Muse · Faith Watson · Gabriella Rhodes + Benjamin Green · Glen Farrelly · Gwenllian Vaughan · Gwion Peris Roberts · Hannah Wardle · Hedydd Ioan · Heddwyn Boyd Bye · Ivan Murray · Jane Fellows · Janet Sampson · Jeff Hughes · Jeremy Stiff · Jo Alexander · Jo Porter · John Cope · John Egan · John Hedley · Jonathan Woolley · Jonty Storey · Joseph Conran · Junko Mori · Katy Mai Webster · Kim Atkinson + Noëlle Griffiths · Lillemor Latham · Linda Davies · Louise Hibbert · Lydia Latham · Maggie Evans · Mamoru Kaizawa · Marged Pendrell · Mari Rose Pritchard + Julie Upmeyer · Mari-Ruth Oda · Mark Eaglen · Mary Robinson · Meic Watts · Menna Angharad · Motoko Kawanano · Nader Kohbodi (Mr Kobo) · North West Wales Bodgers · Olga Lamas · Owain Davies · Paul Islip · Penny Hallas · Peter Boyd · Rachel Porter · Rae Woods · Rauni Higson · Rich Tomos-Simpson · Rory Hudson · Sian Hughes · Sian Parri · Simmy Singh · Simon Whitehead · Swyn Anwyl · Togo Miyashita · Toru Kaizawa · Trish Bould + Pom Stanley · Verity Pulford · Waen · Yukio Fujito
Gweler gwaith yr artistiaid drwy ddilyn y ddolen yma.
Mae prosiect Coed Coexist wedi bod yn bosibl diolch i gefnogaeth hael Celfyddydau Rhyngwladol Cymru, Cyngor Celfyddydau Cymru, Llywodraeth Cymru, Y Loteri Genedlaethol, Sefydliad Denise Coates, John Egan a Junko Mori, Cyngor Gwynedd (a ariannodd gomisiynau), a Plas Glyn-y-Weddw y mae eu hymrwymiad i’r celfyddydau, diwylliant a’r amgylchedd wedi helpu i wireddu’r prosiect hwn.
Digwyddiadau Agoriad: 16eg Mai, 11:00yb
11:00 – 13:00
Gweithdy gwneud Medal Gopr gyda Planhigion wedi'u Gwasgu (sesiwn galw heibio) gyda artist Junko Mori + Jo Porter (Dolydd Llŷn Meadows)
*3 sesiwn 45 munud
*Llefydd cyfynedig. Archebwch le ar y diwrnod
11:00 – 12:00 +
12:00 - 13:00
Sesiwn Adfywio Coetir gyda artist Alison Neighbour + ymgynghorydd coetir Simon Gibbs (Oriel Fyw)
13:00 – 14:00 +
14:00 - 15:00
Gweithdy Bywyd Morol gyda artistiaid Jonty Storey, John Egan + Seren Harris (Pen Llŷn a Sarnau)
13:00 – 14:00 +
14:00 - 15:00
Daear(u): Gweithdy Pridd fel Celf gyda artist Gabriella Rhodes + GeoMôn
*Sesiwn galw heibio
*Llefydd cyfynedig, 10-person ar y tro
*Plant o dan 16 gyda oedolyn
+ llawer mwy gan gynnwys North Wales Bodgers gyda demo cerfio, perfformiadau gan artist comisiwn Coed Hedydd Ioan, bardd Mary Robinson a cherddoriaeth byw gan Jeff Hughes ac eraill
Digwyddiadau cyhoeddus eraill yn ystod yr arddangosfa rhwng mis Mai a mis Gorffennaf yn cynnwys:
Sgyrsiau artist, Sesiwn peirograffi ar bren gyda Mr Kobo, Sesiwn gwneud bocs adar a sesiwn gwesty trychfilod gyda Mark Emptage, Sesiynau Symud gyda Henrietta Wynne Finch... a mwy!