Artist: Annie Aspinall

Datganiad yr Artist

Ganwyd Anne Aspinall ym Manceinion yn 1949, a’i hyfforddi yn y Coleg Celf yno. Ymunodd â’r Langden Gallery + Workshops ym 1986 fel gwneuthurwr printiadau gan arbenigo mewn ysgythru. Yn ystod 1988-89 teithiodd ar led yn Ewrop a Gogledd Affrig lle dylanwadodd effaith disgleirdeb yr haul ar y diffaethwch a phatrymau’r bensaerniaeth a’r tecstiliau yn drwm arni.

Ymateb personol yw ei gwaith i batrymau a rhuthmau cynhenid y tirwedd – gyda chyfnewidiadau cynnil lliw a golau y tymhorau. Cafodd gwaith yr arlunwyr Albanaidd William Gilliel a Barbara Rae ynghŷd â thirluniau Catherine Joan Eardley ddylanwad mawr arni hefyd. Yn ychwanegol at liwiau dwys Morocco, cynhwysa ei gwaith presennol fynyddoedd a dyffrynoedd Gogledd Cymru ac ardal y Peak lle mae’n byw a gweithio ar hyn o bryd, yn ogystal ac arfordir Prydain.

Proses print mono yw man cychwyn ei gwaith a’r inc yn cael ei daenu ar blat gyda rholiwr. Caniatâ hyn i haenau tryloyw o liwiau i gael eu hadeiladu gyda stensil, brws a rhecsyn yn bwydo’n ôl i’r inc. Trosglwyddir y ddelwedd wedyn i bapur gan ddefnyddio gwâsg ysgythru.

Wedi i’r inc sychu, bydd Ann yn gweithio ar y print mono efo sialc, pastel olew a phaent i sicrhau’r cyfuniad priodol i’r llun.