Cerdlun Dienw i GODI ARIAN AT YR ORIEL

Gorffennaf 2008

"Cerdlun" yw’r term yr ydym yn ei ddefnyddio i ddisgrifio ein hymgyrch codi arian am 2008.
Bydd Cerdlun yn arddangosfa fawreddog ac yn arwerthiant o waith celf wreiddiol sydd wedi ei roddi gan artistiaid, enwogion a chyfeillion o bedwar ban byd. Bydd y gwaith o faint A5 neu gerdyn post o destun a chyfrwng sydd o ddewis yr artist.
Mae pob darn gyda theitl ac wedi ei arwyddo a’i ddyddio ar gefn y cerdyn yn unig. Bydd hyn yn ysgogi y prynwyr i ddefnyddio’ dychymyg yn hytrach na label mewn oriel er mwyn dewis y gwaith o’i ffansi.
Bydd rhestr o artistiaid sydd wedi cyfranu gwaith yn cael ei gyhoeddi o flaen llaw a bydd delweddau o’r gwaith yn cael eu harddangos yma ar y safle we o nawr hyd at fis Awst.
Bydd yr arddangosfa yn agor ar y 26ain o Orffennaf gydag Ocsiwn byr o oddeutu dwsin o gardiau cyn y bydd y paneli arddangos yn agored i bawb.*
Bydd pob darn yn gwerthu am £25.

Manylion Pellach: 01758 740763

* Bydd y gwaith a roddir yn cael ei arddangos a’i werthu yn Oriel Plas Glyn-Y-Weddw, gan gychwyn gydag agoriad arbennig ar nos Sadwrn y 26ain o Orffennaf, 2008. Bydd gwîn a chanapés yn cael ei weini. Bydd mynediad i’r arddangosfa drwy docyn yn unig gyda lle i 200 o bobl. Y gost mynediad ar y nos Sadwrn fydd £10. Bydd yr arddangosfa yn parhau ar nos Sul y 27ain o Orffennaf.

Bydd y gwaith i gyd yn aros yn ei le hyd at y 29ain o Orffennaf er mwyn rhoi cyfle i bawb gael gweld yr arddangosfa. Ar ôl y dyddiad yma bydd y gwaith sydd heb ei werthu yn cael ei osod ar wefan yr oriel ac o fewn y siop yn y Plas gyda tharddiad y gwaith yn parhau i fod yn ddirgelwch hyd y prynir y darn. Bydd Tŷ Bwyta safonol yr Oriel ar agor drwy gyfnod yr arddangosfa.

Mae dogfen electronig yn esbonio Cerdlun mewn manylder ar gael yn y Gymraeg neu Saesneg.

» Gwybodaeth bellach ynglŷn â llun Jack Vettraino 'Hysbyseb y Telegraph'